يوميات طالب طب سنفور

فلسطين في القلب 07/08/09, 01:46 am

طبعا بعد التسجيل ودفع الرسوم الجامعية (طبعا رسوم فصل واحد بس بتصرف ع قبيلة كاملة) بتستلم الجدول تبع المحاضرات وبنظرة سريعة ع البرنامج وتوزيع المحاضرات رح تعتقد في البداية انك سحبت الجدول تبع فصلين (الفصل هادا واللي بعدو). بتاخد الجدول زي الاسد ونافخ صدرك وفرحااااان وبتروح تتناقش مع زملائك اللي سابقينك بمستويات وفجأة رح تكتشف ان الجدول اللي بين ايديك لفصل واحد بس ويا فرحة ما تمت!. المهم بعد ما تصحى من الصدمة بتبلش رحلة المعاناة بالدوارة ع القاعات ومكان المحاضرات والمعامل.وسبحان الله طلبة الطب في المستويات الاولى بنعرفو من مشيتهم في الجامعة. كان الواحد فينا يمشي زي المضيع ومش عارف وين الله حاطو وبتلاقي اسم القاعة قدامو بتخزق عين الشمس وبروح بيسال اي واحد ماشي في الممر جنبو عن المكان. طبعا في البداية كنا نلاقيها عادي.بس بعدين لمن تقدمنا في المراحل وعرفنا الاماكن وحفظناها عن غيب (وليش ما نحفظها محنا كنا نقعد نترمح بين القاعات والمعامل لساعات ونقعد في الجامعة اكتر من قعدتنا في الدار) صرنا ننكش راس دايما على اللي يجي بعدينا والله لا يورجيكو شو المقالب اللي كانت تصير في الغلابا المبتدئين . بس هادا كلو يهون لمن تكون في اول الفصل في سنة تالتة مثلا ويعدي واحد من سنة اولى تايه في العنوان,طبعا من فتحتو للباب وتطليعتو في القاعة بينعرف وهادا الشباب جيبك ضحك.نزداد قهقه مع المحاضر لمن الطالب بعد 10 دقائق من بدا المحاضرة حيث لا يسمع الا طلاسم ويكتشف انه في المحاضرة الخطأ فيقوم للمغادرة
بعد الانتهاء من معاناة البحث عن القاعات والمباني تبدا معناة اخرى الا وهي الكتب والملازم. طبعا اصغر كتاب بيعدي في ال400 صفحة. والملزمة لا تقل عن 100 صفحة. لدرجة انني كنت مرة اتحدث مع صديق لي عن ملزمة وقالي لي كم صفحة قلتلو مش كتير كلهم 200 صفحة..هو سمع هيك وطلع في هديك التطليعة ..الله لا يورجيكو تطليعتو
المهم بتشتري هالكتب وبتروحهم معك ع الدار وطبعا بيكون معك شنتة بامكانك تحط الكتب فيها...بس لا وين بضلك شايلهم في ايدك وفرحان عليهم وبدك كل الشارع تبعكو يشوف خمل الكتب ع شان يقولو ما شاء الله وعين الله حارساه ومن هالكلام . حتى في البيت فارد كل هالكتب ع المكت ومش جاي ع بالك تحطهم في الدرج او ترتبهم لانو بدك تبهر كل واحد بيشوفهم ومبسوط عليهم . بس فرحتك ما بطول يا حزين لانو بعد ما تتصفح اول صفحتين تلاتة بتفكر حالك شريت الكتاب الغلط وبتسير تقول يا ورادي علي..هي والله بدي فصل كامل بس عشان اعرف الكتاب بانهو لغة مكتوب ووين البداية من النهاية فكيف بدي احفظو واحفظ معو كمان مادتين تلاتة في اقل من 3 شهور.سعيتها بتسير تتفنن وين بدك تخبي الكتاب ع شان امك ما تشوفو وتسالك عنو
طبعا وسريع جدا وبعد اول يوم في الجامعة والنظر الى الكتب يكتشف الطالب اهم قاعدة بني عليها الطب واللي بدونها بمشيش ولا خطوة في الحياة الجامعية..الا وهي البصم والحفظ عن ظهر قلب . طبعا بني الطب على خمس الا وهي
البصم..واللطم (بعد ما تحفظ الصفحة عن غيب وتقلب على اللي بعدها بتكتشف انك نسيت الصفحة اللي اتوك حفظتها بتصير تلطم وتجوح وتنوح) والعياط قبل كل امتحان (وهذا الشي يمتاز به الطالبات) وتعليم شرب الدخان ولعب الشدة ( وهذا يمتاز به الشباب) وفي النهاية العقد النفسية اللتي تصيبك الى تنتهي من الدارسة فتلك خمسة كاملة!

طرفة لتلطيف الجو.. كان عندنا صديق في الجامعة ما شاء الله اوتي قوة عالية في الحفظ فكنا نلقبه بالبخاري لشدة وسرعة حفظه. ولاننا كنا لا نفارق بعضنا لا في الجامعة ولا خارجها فلقبوني بمسلم.فكنا اذ حضرنا قالو جاء البخاري ومسلم وذهب البخاري ومسلم

**MEMO90** 08/08/09, 12:54 am

شو هالماساه الله يعين الجميع على بلاويهم

يوميات طالب طب سنفور

يوميات طالب طب سنفور

رد: يوميات طالب طب سنفور